حكايه زوج

وتنام وفى الاجازة لحد نص اليوم نايم ومالكش إجازات زى مخاليق ربنا.
_ما تصعبيهاش عليا يا الهام.
_اصعبها ليه وهى اصلا محلولة اسمع كلامى بس معاش بابا كبير وجزء منه كده كده محدش مستفاد بيه والحرباية هى وبنتها كفاية عليها نصه ونص التانى انا اولى بيه
عاطف بحزن... بس دا حرام.
هي بمحاولة اقناعه... مش حرام اخد فلوس ابويا وانا محتاجه كل قرش عشان ولادنا يعيشوا زي النااس او حتى زي ما احنا عشنا واحنا صغيرين طلبتنا موجابه ومش حرام لما نفسي اشتري فستان بعد سنين ملاقيش حقة مش حرام اطلع الدور السابع انا وولادي عشان معناش فلوس الصيانه ومش حرام منظرنا قدام الجيران كل شهر وصاحب العمارة بيهزقنا على تاخير الدفع ولا محصل النور والماية والغاز اللي بينقطع عننا ومبنعرفش نطبخ لقمه عدله للعيال ومقضينها نواشف.
اسمعني يا حبيبي انا بحبك اوي وقابله ظروفك ودا لما كنا احنا الاتنين لكن ولادي ليه احرمهم وانا في ايدى اوفر ليهم كل متطلباتهم واعيشهم احلي عيشه بدل الحرمان اللي هم فيه.
هو پحده... حرمان وقدرتي تنطقيها قوام نسيتي الفسح كل يوم والتاني اللبس اللي من كترة كنتي بتسلفيه لصحباتك وميرجعش عشان في بديل ليه ياما قلتلك امسكي ايدك وفري جزء من المرتب محدش عارف بكرة في اي جمعيه وراء جمعيه تصرف علي المصايف والدليفري اقولك نشتري حتتين دهب للزمن تقولي الجمعيه الجاية وفري يا الهام الولاد بكرة يكبروا ونحتاج مصاريف...تقولي الولاد لسه صغيرين وانا بفكر نسكن في شقه اوسع وفي منطقة ارقي عشان ولادنا يكبروا في بيئه رقيه من شقة لشقة ومن ايجار غالي لايجار أغلي وفوق كل ده مشاكل الشغل وافلاس الشركه وفصل كل العاملين فيها وبدل ما كنت موظف في شركة كبيرة بقيت أمن بنص مرتبي وانا اللي كنت محاسب قد الدنيا وبردة مفيش فايدة فيكي فضلتي متمسكة بالشقة الشيك والمنطقة الغاليه عشان برستيجك قدام الناس عملنا ايه برستيجك والديون متكومه عليا.
الهام واهو حصل وادينا والزوجه والحرمان بقوا محاوطنا نتصرف ازاى فى وجود عيال عايزة ومحتاجه هنكسر نفسهم اكتر من كده ايه! والحل فى ايدينا وسهل بتصعبها ليه ده كده يبقى الحړام بعينه.
عاطف اسمعي يا الهام انا موافق على اللي قلتيه هطلقك ونكتب بعدها ورقتين عرفي زى ما انتي عاوزة وهرجعك لعصمتي بس بيني وبينك من غير محامين .
الهام ليه
عاكف ممكن يستغلوا الفرصة ويبتزونا وقبل اي حاجه ننقل من هنا لاي مكان محدش يعرفنا فيه عشان منظري قدام الناس ونفس الوقت نكون بامان عشان محدش يكتشف موضوع معاش ابوكي.
الهام بفرحه هو ده الكلام شوف لما شغلت دماغك سهلت ازاى
بعد
كام شهر
قاعد سرحان على القهوة سرحان باصص على الطريق مش بيتكلم
صاحبه ال جنبه ايه يا ابنى مالك سرحان فى ايه من وقت ما قعدت كل شوية تتنهد تنهيدة غريبة فيك ايه
_تعبان يا ايهاب
_تحب نروح لدكتور نطمن عليك
_ياريت كل الۏجع ينفعله دكاتره حاجات كتير مينفعش معاها طب ولا دواء.
إيهاب بلهفة قلقتنى فى ايه
_فيك من يكتم السر
_من امتى واحنا فى بينا اسرار والكلام ده
بتنهيدة بصله انا هحكيلك ومش عايزة تقاطعني غير لما احكيلك للاخر.
_وانا سامعك.
حكاله كل حاجه حصلت.
_الموضوع بدأ فى يوم رجعت من الشغل ..
وقاله كل ال مراته قالته علشان تاخد معاش ابوها وغلبت أقنعها وهى مصرة على رأيها وعلشان البيت والأولاد وافقتها ودى كانت اكبر غلطة فى حياتى اسلوبها اتغير بقت تتحكم فى كل كبيرة وصغيرة بتدلع الولاد بطريقة موصفتش كل طلباتهم مجابة والأولاد بطلوا يسمعوا كلامى او حتى يحترموني لما يعوزوا حاجه بيرحولها وان اتكلمت وعاتبتها منخلصش
وانهاردة ليه وليه ضړبت الولد اتخانقت معايا وشبه طردتنى من البيت.
_صاحبة بانفعال يعنى ايه تطردك من بيتك
_قولتلك ما تقاطعنيش.
اتنهد وكمل ومن سلسلة التنازلات بتاعتى وطمعها واستغلالها استخسرت ان مرات ابوها تقعد فى الشقة لوحدها وصممت تقعد معاها بحجه انها ازاى تقعد فى إيجار والتانية فى بيت ابوها الملك وهى ليها زيها زيها وطبعا إلحاح وزن ومشاكل خلتنى أوافق واهو قولت اوفر قرشين للعيال واتفك من الديون ال عليا وبينى وبينك الإيجار كان قاطم وسطى كان بياخد تلات اربع المرتب لوحده والشقة كانت دور عالى والسلم تعب رجليا وللأسف دى كانت تانى اكبر غلطة عملتها
صحيح وفرت كهربا وفواتير مياه وغاز وغير ان البيت قريب من مدرسة الاولاد يعنى وفرت كتير فى الاول روحت على اساس ان مرات ابوها ظالماها لقيتها شهر واتنين وتلاته تعاملها قمه فى الأدب والاخلاق استحالة و انا موجود تخرج من اوضتها هى وبنتها ومعظم الوقت قافلة او عند اهلها حتى المطبخ والحمام جابت صنايعية وقسموهم بينا وبينها وخلت الحمام بتاعها فى اوضتها.
_اشوف تعامل مراتى مع اختها ال على اساس رايحه تراعيها علشان امها شرانية وواكله حقها الاقيه تعامل غير ادامى لو البنت بس قربت من الاولاد تلعب معاهم تقوم الدنيا حريقة متقعدهاش
وفوق ده كله الهانم ال ٢٤ ساعه بره مع اصحابها شړا فى حاجات هايفة وفسح لو شافت اعلان فى التلفزيون لازم تشتريه
ارجع البيت مالاقيش لقمه اكلها وتعبت من كتر الكلام معاها ولا حياة لمن تنادى.
سكت وهو بيفتكر وكمل
فى يوم كنت نايم وصحيت على صوت دوشة طلعت بسرعه من الاوضة ال اتحدد فيها اقامتى لقيتها ماسكه فى خناق مرات ابوها وليه وليه أخواتها جايين يزوروها
الوضع ما عجبنيش ولا اسلوبها وقولتلها
_عيب كده يا الهام والست مغلطتش تستقبل ال هى عايزاه ده بيتها برضه ما انتى طول الوقت بتستقبلى اصحابك.
الهام بعصبية انت هتقارنى انا بدى وبعدين هتجيب اصحابى للعرر أهلها.
بعصبية ما يصحش كده عيب عليكى.
الهام مالك محموق اوى وبدافع عنها كده ليه بينك وبينها ايه
مرات ابوها اخرسى ايه ال بتقوليه ده انا لو بسكت وبعديلك فده لأجل الرجل ال كرمنى طول ما هو عايش لكن عند سمعتى تقفى ساكته مش هسمحلك اهد الدنيا عليكى انا بسهولة ممكن اوديكى ورا الشمس.
الهام بتهته قصدك ايه
مرات ابوها انا ممكن اشتكيكى بورقة اد كده فى وزارة التضامن وهتعرفى وقتها انا مين
الهام ااه هو ده ال حارقك المعاش مش كده.
مرات ابوها الحمد لله انا راضية باللى ربنا كتبهولى انا كان ضفر ابوكى وحسه بكنوز الدنيا كلها لكن انت عينك ما يملهاش غير التراب واعملي حسابك اهلى هيجى فى اى وقت ده بيتى وبيت بنتى كفاية انى مستحملة قرفك وقرف عيالك وپهدلة البيت كل يوم والتانى بسبب ضيوفك ال طالعين داخلين لا عارفين نقفل باب ولا نستريح زى خلق الله واخر مرة بقولك اهلى خط أحمر.
بصت لجوزها وبعصبية عجبك كده اهو بسببك اتفردت عليا.
خدها وراح بيها على ازضتهم
_الهام كفاية اوى كده وخلينا نرجع بيتنا وحياتنا.
الهام لو عايز ترجع محدش ماسك فيك ارجع لوحدك انا مش
هتنازل عن راحتى.
_يابنتى الناس الفلوس مش كل حاجه ولو هى دى حسبتك فالوضع اتغير مرتبى زاد وقريب هقبض جمعية كبيرة هدفعها تأمين لشقة بدل قلة القيمه والپهدلة واهو انتى شفتى بنفسك الټهديد وممكن