روايه الجاره الجديدة 1

كانت زوق جدا معايا وانا خارجة لقيت البيت كله فاضي والاطباق مرمية على الأرض إلا راجل واحد بس واقف بضهره مقدرتش اشوف وشه.
أنا اټصدمت وقولت اكيد حصل حاجة مش طبيعيه!يمكن ده طليقها وحصلت مشكلة بينهم قدام الناس لكن أنا بردو مخدتش وقت في الحمام للدرجادي عشان يحصل كل ده ويفوتني!
طلعت اجري على شقتي ومقولتش لجوزي حاجة علشان ميزعقليش لو عرف أني طالعة مطرودة من الجارة الجديدة لانه دايما بيحذرني وبيقولي بلاش جيران يا سهيلة
وفي نفس الليلة سمعت مدام رنا بتصرخ بصوت بشع خلاني مش عارفة أنام وفي صوت تكسير بيحصل حواليها.
وقتها قولت أكيد هي متعصبة من المشكلة اللي حصلت قدام
ضيوفها وعيد ميلادها اللي باظ لسبب أنا لسه معرفوش لكن أكيد هعرفه.
كنت فاكرة أن كل دي أمور عادية لحد ما لقيت تاني يوم العيد ميلاد بيتكرر من تاني!
ولما تعمدت انزل ابص من السلم عليها لقيتها واقفة بتستقبل ضيوفها على الباب بنفس الفستان ونفس الشعر وكل حاجة.
لكن المرادي لما لقتني واقفة مستخبية وببص عليها من سور السلم بصتلي نظرة غريبة! كأني كنت السبب امبارح في اللي حصلها.
حسيت بغموض كبير ناحيتها خصوصا أن يوميا بيتكرر العيد ميلاد وتيجي بليل تفضل تصرخ.
كل ليلة اقول لجوزي أن مدام رنا بتصرخ وفي حاجة مش طبيعية بتحصل في الشقة دي يقولي أنه مش سامع حاجة واني أنا بس اللي بركز مع الجيران بذيادة.
استغليت في يوم أنه أتصل بيا وقال إنه هيطبق في الشغل ومش جاي وفضلت أراقب حفلة العيد ميلاد من البلكونة وأنتظرت أشوف المعازيم هيروحوا من عندها الساعة كام.
لكن ملقتش حد خرج نهائي اللي بيدخل مبيطلعش تاني أتأكدت أن في حاجة مش طبيعية بتحصل وأن الست دي وراها لغز كبير.
الساعة جت 12 وصوت الصړيخ اشتغل من تاني قررت اني أنزل وأشوف هي ليه بتعمل كده
لما نزلت لقيت بردو باب الشقة مفتوح والشقة ضلمة وقفت ع الباب أخبط واندهلها وانا خاېفة مدام رنا مدام رنا انتي كويسة أنا سهيلة جارتك
لكن مكنش في رد كل اللي سمعاه صوت من بعيد وهي بټعيط وتصرخ اتشجعت وقولت أنا لازم ادخل اطمن عليها وأعرف يمكن مريضة ومحتاجة مني مساعدة.
دخلت الصالة وتابعت الصوت ومشيت وراه وانا كل خۏفي لتطردني وتتعصب عليا من تاني.
كان واضح ان الصوت جاي من عند الحمام!
خبط عليها عشان مفتحش الباب مرة واحدة بدون علمها وفضلت اعلي صوتي واقولها يا مدام رنا انتي كويسة مينفعش ټعيطي في الحمام كده تتلبسي
ومفيش فايدة صوت العياط مستمر مبيقفش اضطريت اني افتح عليها الباب والدم وقف في عروقي من هول المنظر اللي شوفته..!
مدام رنا قاعدة في البانيو 
أنا مقدرتش أتحمل المنظر وطلعت أجري وأنا كل شوية أقع من خۏفي ورجلي مش شيلاني وقولت