حاسبي يا مجنونه
نوم يلا هيفوتك نص عمرك
بغيظ قولت
في حد يصحي حد كدا!!
خمس دقايق كلام كمان وهتلاقيني شايلك علي كتفي ومنزلك كدا
رجعت لورا وقولت
خمس دقايق وأكون جاهزه
ضحك ومسك الباب وقفله دخلت الأوضه وحرفيا خمس دقايق وكنت خلصت فتحت الباب وكان واقف قدامي رافع رجل علي الحيطه والرجل التانيه علي الأرض
أول ما شوفته قولت بحماس
هنروح فين المره دي!!
بصيت له وهزيت راسي برفض وقال
طب جربتي تلمسي السمك وتكوني وسطيهم!!
هزيت راسي برفض وقال
وهو دا المطلوب مغامره جديده
بدأت أقلق
ضحك وفضلنا ماشيين لحد ما وصلنا لمركب ركب ومد لي أيديه حطيت أيدي علي أيديه وسحبني عليه المركب مشيت وبعدنا عن المكان الجو كان يجنن الهوا كان بيطير شعري وبيخبط في وشي كانت أول مره أركب مركب وأبقي في وسط البحر كدا.
كان واقف قدامي وماسك في أيديه بدلة غطس
بصيت علي أيديه بستغراب وقولت
يلا أيه!!
هننزل نتفرج علي السمك من تحت
ابتسمت وقولت
أيه الجنان ده أكيد يعني مش هنزل وأكيد أنت بتهزر
قعد وقال
لاء مش بهزر قومي يلا
تميم أنا مستحيل أنزل أنا ڠرقت وأنا قريبه جدا من الشط ما بالك هنا!!
أنا معاكي
بضيق قولت
مش هنزل يعني مش هنزل
كويس أنها طلعت مقاسك
تميم التجربه كانت جميله أوي
غمز لي وقال
عشان بس تسمعي كلامي علي طول
طلعت من المايه ودخلت غيرت هدومي فضلنا طول اليوم علي المركب لحد ما تعبت خالص ونمت بسبب الهوا كنت مستمتعه جدا باليوم وبالجو معرفش حصل أيه بس لقيت نفسي نايمه في المركب ومتغطيه بصيت حوالي لقيت تميم قاعد قدامي مندمج في البحر
ياااه أنا نمت كتير
بص لي وابتسم وقال
محبتش أضايقك قولت أسيبك تاخدي راحتك في النوم
ابتسمت ولقيته بيقول
تحبي تشربي قهوه!!
هزيت راسي بالموافقه قام وراح يعمل قهوه كانت عيوني عليه لحد ما وصل لمكان القهوه قومت وقعدت علي طرف المركب فتحت الساوند علي أغنية ل عمرو دياب وغنيت معاه أحلي كوبليه بيوصف حالتي حاليا
قعد جمبي وبص لي وقال
ومهما تكون بعيد عني لقلبي قريب
يا عمري الجاي والحاضر يا أحلى نصيب
تمت
