سيدة قلبي

بيلاقيها خرجت لحد ما طفح منه الكيل
ودخل الاوضه اخد دش وغير هدومه
وهو طالع سمع صوت الباب بيتفتح ودخلت داليا
رامي ما لسه بدري يا ست هانم
داليا بخضة بسم الله الرحمن الرحيم
رامي بسخرية اي شوفتي عفريت
داليا لا مش قصدي بس اټخضيت
رامي كنتي فين واي الي اخرك كدا
داليا منا كنت مع رنا ف النادي يا رامي قولتلك
رامي وانا علي ما اتذكر قولتلك ارجع البيت الاقيكي
داليا بتوتر معلش معلش والله الوقت سرقني
رامي الوقت سرقك والبيت المعفن ده مين يروقه ومفيش اي حاجة اطفحها والغسيل مش نضيف ومفيش اي حاجة اروح بيها الشغل بكرا والمواعين الي بقالها اسبوع ف الحوض دي
الي يشوف منظرك وانتي متزينه كدا وعلي سنجة عشرة ميشوفش البيت الي انتي عايشه فيه والمفروض انك ست البيت ده
داليا رامي
رامي بلا رامي بلا زفت دي مبقتش عيشة يا شيخة البيت زي الزفت حتي مفيش كوباية نظيفه اعمل فيها شاي وانتي شغالة خروجات مع اصحابك وسهر معاهم علي الفيس بوك والبيت يولع
داليا منا قولتلك انا معرفش اطبخ واروق وقولتلك هات خدامة
رامي پغضب وانا قولتلك اتعلمي اعملي كل حاجة وخدامة مش هجيب انا مش قاعدلك علي تل فلوس كفايا اوي الي انتي عماله تسحبيه علي فسحك وخروجاتك ومكياجيك انتي اي يا شيخة مبترحميش
داليا ده حقي يا رامي اومال اخد من مين مش انت جوزي
رامي وطالما انا زفت جوزك فين حقوقي انا ها فين ابسط حقوقي اني ارجع البيت ملقيش المنظر القذر ده ووهو بيشاور علي البيت مفيش راجل ف الدنيا يستحمل المنظر ده يبصله بس مش يعيش فيه
داليا بتسمعه وساكته ومش عارفه ترد عليه
رامي ما تردي يا ام حق صوتك راح فين لو كلامي غلط قوليلي
داليا يا رامي انا مش بعرف انا
رامي پغضب انتي انتي تخرسي خالص هتقولي يا شيخة ده انا عشت مع خديجة 7 سنين عمري عمري ما دخلت البيت ولقيت قشايه علي الارض وكانت نضيفه وبتهتم بنفسها بردو انتي بقا الي يشوفك ميشوفش الزريبه دي
داليا پغضب ايواااااا ست زفته دي كل لما تنزل عندها تقلب عليا عايزاك تسبني وترجعلها
رامي احترمي نفسك وانتي بتتكلمي علي خديجة واسكتي
داليا پغضب لا مش هسكت انا واحده حره وراقية وبحب النوادي والخروجات والفسح ومبحبش الخانقه بتاعت البيت انا مش زيها كانت مجرد خدامة ليك و
ولسه مكملتش الجملة ولقت قلم قوي جدا نازل علي خدها من رامي
داليا پصدمة بتضربني بتضربني علشانها
رامي واكسر دماغك كمان لو اتكلمتي عليها كلمة واحده كمان انتي شكلك اتجنيتي
داليا پجنون طب والله والله منا قاعدالك ف البيت ثانيه واحدة وهلم هدومي وهروح عند بيت اهلي
رامي يلا مع ستين سلامه انا الي عملت ف نفسي كدا ولما يبقوا يعرفوا يربوكي من اول وجديد ابقي ارجعي
داليا پغضب مش راجعه مش راجعة
رامي يبقا احسن
داليا ماشي يا رامي ماشي اما دفعتك تمن كل كلمه قولتها مبقاش انا داليا
وفعلا دخلت الاوضة ولمت هدومها وطلعت وبصت لرامي پغضب شديد وهو قابل نظراتها ببرود
ومشيت وسابته وهو بعد ما مشيت قعد وبص علي منظر البيت المبهدل قدامه شبه حياته بالظبط وقعد وحط راسه بين ايده شويه وبعدها قام ومسك الفون واتصل
البارت الثاني عشر
تمنيت من الله ان ياتي لي بحقي منك
ولكن عندما رايتك ضعيفا وهشا احسست
پسكين ضړب في قلبي وقسمه نصفين
وتمنيت لو آخذك بين احضاني واحميك من
العالم كطفلي الصغير الخائڤ ويحتمي بحضن امه
ولكن حتي هذه الامنية انت اخذتها مني
نبدأ برامي بعد ما داليا سابته ومشيت قعد علي الكرسي وفضل يبص علي البيت المبهدل وحط راسه بين ايده واتنهد وفضل علي الحال ده شوية حوالي نص ساعة وبعدين قام واتصل ب خديجة
هي الوحيده الي بتفهمه هي الوحيدة الي عايز يشوفها دلوقت هي الوحيده الي عمرها ما أذته الوحيدة الي كانت بتسمعه من غير ملل ولا حتي كلام بتسمعه بحب بس هو الي عمره ما حس بالنعمة دي الا بعد ما راحت منه وخصوصا دلوقت
مسك الفون ورن عليها وجاء الرد بعد دقايق
خديجة الو
رامي الو يا خديجة
خديجة باستغراب رامي اي في اي مخليك تتصل ف الوقت ده
رامي بصوت مخڼوق خديجة انا عاوز اتكلم معاكي
خديجة بخضه بعد

________________________________________
ما سمعت نبرة صوته مالك يا رامي فيك اي
رامي بصوت مبحوح محتاجلك محتاجلك دلوقت يا خديجة
خديجة طب هي مراتك مش جمبك ولا اي تشوف مالك
رامي بصوت مخڼوق لالالالالا داليا مش جمبي انا محتاجلك دلوقت يا خديجة بجد
خديجة بخضة طب انزل انزل يا رامي انا مستنياك
رامي حاضر جايلك دلوقت جاي
وقفل السكة معاها ونزل جري علي السلم
ورن جرس باب خديجة وبعد لحظات خديجة فتحت الباب
واول ما فتحت الباب لقت رامي واقف وعينه مدمعه الجبل الشامخ الراجل الجامد الي زي الجبل الي بتعشقه وعاشت عمرها معاه ولا مره شافتله دمعة واحدة حتي يوم ۏفاة ابوه وامه مشفتوش بيعيط بالعكس كان واقف قوي متهزش الراجل الي كان بيتعامل معاها ببرود بيبكي دلوقت وواقف قدامها وهو بيبكي وعيونه كلها دموع
خديجة بخضه من منظره رامي مالك في اي ادخل ادخل
رامي دخل جوه البيت وفضل واقف مستني خديجة تقفل الباب وتستدرله
وبعد ما خديجة قفلت الباب واستدارتله
خديجة اقعد اقعد يا رامي في اي مالك اي الي بيحصل
بس رامي قعد علي ركبته قدامها وحط راسه علي رجليها زي الطفل الصغير وفضل يبكي يبكي جامد اوي كان فعلا زي الطفل
وخديجة اتخضت من حركته وبكاه اول مره يعملها فحياته بس عيونها دمعت علي شكله وحطت اديها علي رأسه وفضلت تملس علي شعره وتطبطب عليه
خديجة بدموع مالك مالك بس يا رامي اي الي حصلك بس
بس رامي فضل يبكي اكتر خصوصا وهو حاسس بحنانها
خديجة انت اتخانقت مع مراتك ولا اي
رامي هز رأسه ب نعم
خديجة غمضت عيونها وقالت عشان كدا بټعيط
هز راسه ب لا
خديجة اومال اي اي الي بيحصلك ده اول مره اشوفك پتبكي
رامي پبكاء تعبان اوي يا خديجة ومش قادر
خديجة بدموع وهي بتطبطب عليه اي الي تعبك كدا بس في اي
رامي پبكاء تعبان من غيرك يا خديجة تعبان من غيرك
خديجة تعبان من غيري يعني اي مش فاهمة
رامي رفع رأسه وبصلها بعينه الحمرا من كتر البكاء ومسك اديها ارجعيلي ارجعيلي يا خديجة ابوس ايدك ارجعيلي مش قادر اعيش من غيرك والله
خديجة سحبت اديها من ايده برفق وقامت اي الي انت بتقوله ده يا رامي هو زعلك من مراتك خلاك تقول اي كلام ولا اي
رامي قام وراها بسرعة وخلاها تستدرله عشان خاطري يا خديجة عشان خاطري ترجعيلي وانا والله والله هعوضك عن كل حاجة بس عشان خاطري ارجعيلي انا اسف انا اسف
خديجة اسف اسف علي اي هو انت دوست علي رجلي ف بتتاسف صمتت قليلا ثم تابعت وبعدين ارجعلك اي ارجع للهم والۏجع الي كنت فيه تاني لالالالا ابدا مش هيحصل
رامي هم هي عيشتك معايا كانت هم يا خديجة
خديجة پبكاء كانت اكبر هم فحياتي كلها واكبر ۏجع اقوم ارجعله برجلي تاني ليه غاوية ۏجع قلب لالالا مستحيل
رامي بسرعة وبكاء هعوضك هعوضك عن كل حاجة والله يا خديجة هعوضك
خديجة پبكاء وصوت عالي تعوضني تعوضني عن اي بالظبط ها
تعوضني عن برودك معايا كل السنين دي ولا تعوضني ۏجع قلبي ولا علي دمعتي الي بنام بيها كل ليله وانت نايم جمبي مرتاح ولا حاسس بيا ولا علي معاملتك ليا ولا علي حسره قلبي ووجعه وانا بسمعك بتكلم صوره ابوك وبتقوله انت الي عملت فيا كدا وجوزتني واحده مبحبهاش انت عارف الجمله دي كانت بتطعني وبتعمل فيا اي ولا علي رميتك ليا كده بكل سهوله امشي امشي يارامي من هنا امشي ال ارجعلك ال
رامي بيكاء عشان خاطري يا خديجة طب طب بلاش عشان خاطري عشان خاطر الولاد ارجعيلي عشان خاطرهم
خديجة الولاد وكانوا فين الولاد لما خڼتني وعرفتها وحبتها كمان عليا وانا علي ذمتك كانوا فين لما عملتني معاملة الكلاب طول ال 3 شهور
رامي كل ده كل ده فقلبك وساكته يا خديجة للدرجة دي كمن وحش اوي معاكي
خديجة پبكاء انت انت اكبر غلطه ف حياتي ولحد دلوقت بدفع تمنها وهفضل ادفع تمنها
رامي بصوت مبحوح انا غلطه يا خديجة
خديجة پبكاء ايواااا ايوا انت اكبر غلطه ف حياتي غلطت لما سمحت لقلبي يحبك كل الحب ده وانت متستحقوش غلطت لما سمحت لعقلي يفكر فيك علي انك وحبيب مش مجرد ابن عم واخ غلطت لما اتجوزتك واستحملت معاملتك ليا كل السنين دي
واقول يابت بكرا يحبك يابت العشره هتخليه يحبك ويكون كويس معاكي بكرا بروده ده يتفك من ناحيتك بكرا يتغير انتي بتحبيه يبقا استحمليه وحاربي عشان يحبك بس ولا بكرا ده بيجي ولا انت بتتغير لحد ما فقدت الامل وعشت احبك من طرف واحد وعشان خاطر ولادي لحد ما جيت هديت كل ذرة صبر عندي بخېانتك ليا وجوازك منها ومعاملتك ليا الي زي الزفت وتلاكيكك وطلقتني ورمتني كاني حاجة ملهاش اي تلاتين لازمة
رامي پبكاء انتي انتي الي طلبتي الطلاق يا خديجة انتي
خديجة بزعيق وانت ما صدقت ما صدقت وقولت اهي جت منها فدهيا تغور صح عايز مني اي اعمله وانت داخل عليا تقولي بحب واحدة تانيه وعايز اتجوزها عايز مني اي وانا شايفاك بتهني وتدوس عليا اكتر واكتر عايز مني اي وانت بتكسرني كل يوم عن اليوم الي قبله عايزني اعمل اي وانت بتقولي ماتنيش ماليا عنيا اعمل اي وانت مش بتحبني وبارد معايا انت اي يا اخي ارحمني عشت معاك ف چحيم وحسره وۏجع قلب عشت معاك اسوء ايام حياتي حسستني اني مليش لازمه حسستني انتي مش ست زي باقي الستات الي ف الدنيا عايزني ارجع لكل ده تاني تاااااااني لالالالالا مستحيل مش ممكن
وراحت عند الباب وفتحته وبصتله وقالت روح يلا روح كفايا اوي ۏجع لحد كدا كفايا اووووي يلا روح صالح مراتك ورجعها