حب الطفوله

أمه الأول ما شاء الله تبارك الرحمن ! وانا بقول ليه نادر من ساعة ما رجع وهو بيزن عليا يلا نروحلهم يلا نروحلهم ! قال ايه خاېف يا حد يسبقه ! ضحكو كلهم وهيا كملت اتاري البنت قمر 
وانا لا كنت عارفه اضحك ولا ابكي ولا قادره اعمل اي حاجه قاعده متنحه وبس وامي كل دقيقه تبصلي بغل قال ايه عاوزاني ابتسم خاېفه امه تحس اني مجبوره

فضلو على كده يجي ساعه بعدين امه واخيرا نطقت بقى انتو عارفين سبب زيارتنا واحنا يشرفنا نطلب ايد بنتكم بسمه لابننا نادر .
قومت انا طلعت من غير ما اكلم اي حد ولا انطق اي كلمه كنت حرفيا ھموت من الغيظ ونفسي اصړخ وأقول لاااا والناس كلها تسمعني !!
امي حاولت تغطي الموقف ورايا قالتلهم معلش اصلها بتتكسف قوي .
المهم بعد ما راحو الجماعه أمي جاتلي وعينيها بتطق شرار ايه الموقف البايخ اللي انتي عملتيه دا عايزه الناس يقولو عليا ايه اني ما عرفتش اربي 
ضحكت بسخريه وجاوبتها وانا اصلا اعصابي كانت بايظه يا امي هو يعني عشان الكلمتين اللي انا قولتلهم قدام جدتي عشان تبعد عنك وتبطل تآذيكي يبقى انتي هتصدقي نفسك انك ربيتيني بجد ولا ايه راحت رافعه إيدها وضربتني بقلم جامد علم على وشي من شدته اخرسي يا قليلة الادب الظاهر اني ما عرفتش اربي بجد واعملي حسابك بقى ابوكي خلاص إدي كلمه للراجل ووافق عليه طلعت وخبطت الباب وراها وسابتني بعيط وبكلم نفسي پقهر وانا حاطه إيدي علي خدي من آثر الضربه على فكره يا امي انا طول عمري متربيه لوحدي في الخرابه دي وبين الاربع حيطان دول وعمري ما افتكر حتى موقف حصلي وإنتي وجهتيني فيه ولا نصحتيني ولا قولتيلي دا صح ولا دا غلط الحقيقه ما تزعلش يا امي انا اتربيت في حلقات الذكر بتاعت الثانويه والجامعه ولولاها كنت ضعت دا انتي حتى حجابي كنتي رافضاه ومكنتيش عاوزاني اتججب لولا إصرار ابويا لما شاف كتر معاكسات الشباب ليا إنتي طول عمرك يا اما مشغوله بمشاكلك مع جدتي وسعاد يا اما مع اخواتي الصغيرين يا مصدعة ونايمه عمرك ما كنتيلي ام و طول عمري حاسه باليتم و محرومة من الحنان و اهلي عايشين واخرتها اتحرم من حب عمري واتغصب على جوازه مقندله زي دي كمان ! فضلت اعيط كتير لحد ما النوم اخدني
يتبع
بعد اسبوع رجع نادر اتفق مع ابويا انهم عايزين يعلنوا الخطوبة بس لسة معاد كتب الكتاب لانه مش مضبط اموره ابويا قاله اشاورهم الأول بس وارد عليك .
اول ما أمي فتحت الموضوع قلتلها لو الخطوبة دي تمت ل اكون هاربه من البيت وعاملالكم ڤضيحه بجلاجل انا ما اعرفش عنه حاجة عشان اوافق عليه .
لكن انا في الحقيقه كنت بدور على اي طريقه اطفشه بيها يارب اعمل إيه في اللي اسمه نادر دا اللي طلعلي من تحت الارض !
ابويا قاله إنه احنا لسه مش جاهزين لخطوبة دلوقتي وانا طلبت انه نتعرفو على بعض الاول كان بيتصل بيا طول الوقت وانا كنت نادرا لما برد عليه وباتحجج بأي حجه كان بيطلب مني نتقابل برا عشان نتعرف على بعض اكتر وكنت برفض أمي كانت عاوزه تقنعني بالعافيه إني اطلع معاه تقولي يمكن لما تعرفيه تحبيه وتنسي الواد اللي هيجننك دا .
كنت بوافقها مرات و انا عارفه إن مفيش اي حاجه هتقدر تنسيني محمد لا نادر ولا الف واحد زيه حتي !
فضل نادر يلح عليا طول الوقت نخرج سوا وانا كنت كل مره برفض واتحججله إنه احنا لسه ما كتبناش كتابنا يرجع يقولي ما انتي لو توافقي هاضبط أموري و نكتب الكتاب و بكدة نطلع مع بعض بكل حريه !! اومال هنتعرف على بعض ازاي يعني !
كنا ب ندور في حلقه مقفوله جننت امه عشان يزهق مني ويفسخ الخطوبه واهي تبقى جات منه بس نقول إيه !! كان لزقه 
مره أتصل بيا وكان عدى على خطوبتنا 7 شهور كنت حاطه فيهم دبله قال يعني كنت مخطوبه بس انا كنت قاصده احط الدبله عشان ما يطلعليش حد تاني لحد ما اشوف حل في حكاية نادر ! المهم كنت وقتها عند خالتي لما أتصل بيا وقالي عاوز اقابلك ضروري عايزين نحط النقاط على الحروف قولتله مش هقدر اطلع وما تفضلش تزن عليا لانك عارف رأيي في موضوع الخروجات دا 
انتي بترفضي تكلميني تليفون حتى يا بسمه وكمان بترفضي تقابليني برا انا من الاخر حاسس إنه الموضوع دا فيه حاجه غريبه دا انا كل ما اطلع انا وانتي وأحاول إيدك بحس انك إتخضيتي ولا كأنه ثعبان لدغك !! للدرجة دي مش طايقاني !!! وطول الفتره اللي فاتت دي وانا

بقول ادينا من بعض بس كل مره بحس اني ببعد عنك