حب الطفوله

اللي انتو فيه لو نسيتي اللي حصلك مع ابوي و سعاد و جدتي انا ما نسيتش يلا خليني ساكتة احسن وبسرعه جه الخميس وجه احمد وعيلته والمآذون وكل حاجة عدت بسرعه رهيبه ما كنتش اصلا فاهمه ايه اللي بيحصل حواليا وليه مش قادره أقول لا !! وليه سايرتهم من الأساس وليه وافقت اصلا اطلع معاهم اشتري الشبكه والدبل ليه ما هربتش زي ما هددتها قبل كده 

البنات كلهم بتاعوت العيله كانو بيبحلقو علي أحمد اللي داخل يلبسني الدبل وسامعاهم بيهمسو لبعض طول بعرض ايه دا كله يخربيت حلاوته شافته فين بنت المحظوظه دي !
وانا بقول في سري يخربيت حظي دا انا لو كنت محظوظه بجد كنت اتجوزت اللي حبيته مش قاعده هنا زي اللي متكتفه ولسانها مربوط لا قادره أقول لا ولا قادرة اتكلم وسايبه الناس هيا اللي تتحكم في حياتي و يجوزوني زي ما هما عايزين ما كنتش قادره أكدب على نفسي اكتر من كده يادوب اتكتب الكتاب والناس روحت قفلت عليا باب اوضتي ودخلت في حالة بكاء هستيريه افتكرت محمد وافتكرت ذكرياتي والأيام اللي عشناها في بيتهم الدافي ووعده ليا بانه مستحيل يتخلى عني ! صعبت عليا نفسي معقوله انا عند اهلي للدرجه دي عشان يبيعوني لاول واحد يطلبني !!! معقوله مش هامهم راحتي ولا سعادتي وكل اللي يهمهم انهم ما يتفضحوش وسط الناس واني اتجوز واحد متعلم دا انا حتى ما عرفتش عنه لسه أي حاجه !!!
دخلت أمي لقيتني في حالتي دي قامت من شعري وشدته جامد انتي يا بت انتي بقولككك ايههه !! انتي دلوقتي بقيتي رسميا مرات راجل يعني حرام اللي انتي بتعمليه دا !! الكلب دا تنسيه خااااالص وتشيليه من دماغك نهائي واهو ربنا عوضك مكانه براجل محمد ما يسواش ضفر في إيده جمال وأدب واخلاق وعلم و. 
بببسسس يا امي كفايهه ارحميني بقااااا !!!
انتم مش خلاص كتبتو كتابي ! عايزين مني ايه تاااااااني سيبيني في حالي بقوووولك سبيييييني ولا عاوزاني اقټلك نفسي قدامك دلوقتي !!! وبقيت اصړخ پهستيريا واشد في شعري جااااامد و ارمي في كل حاجه من قدامي خبطت الشبكه عالحيط كسرتها وقلعت الدبله و رميتها عالارض امي اتخضت من حالتي وما عرفتش تتصرف ازاي راحت جرت نادت أحمد اخويا يجي يشوف مالي! جه اخويا جري بيسالني مالك يا بسمه ايه فيكي ما عرفتش ارد عليه ولا اقوله اي حاجه دخلني وقعدت اعيط بۏجع شديد وهو مش فاهم حاجه بيسألني هو حد غصبك على الخطوبه دي انا كنت فاكر انك متفقه معاه وانتي اللي طلبتي منه انه يتقدملك !!
فضلت اعيط لحد ما نومت حطني في سريري وراح طالع پغضب وطلب من امي تفسير للموضوع وامي كانت پتخاف منه لأنه ليه كلمه زي كلمة ابويا في البيت وعارفه قد ايه هو بيحبني وبيخاف عليا وهو عارف قد ايه انا اتظلمت منهم !
عاوز تعرف ايه المحروسه اختك مش عايزه تتجوز عايزه تحط راسنا في الطين لاننا مش راضيين نوافق على اللي اسمه محمد ابن خالك حسن
بس انتم محدش فيكم فهمني إنها عايزاه انا كنت طول الوقت فاكر أنه هو بس اللي بيلح في طلبها وهي اللي رافضاه مش انتم !
وهو دا راجل يتزعل عليه !! جاتها خيبه اهي خدت سيد سيده !
بس اللي انا شايفه غير كده مش باين عليها انها فرحانه انها خدت سيد سيده حرام عليكي يا أمي طول عمرك ظلمانا احنا الإثنين يعني غصبتوها تتجوز واحد مش عايزاه وتقولي كمان سيد سيده ! انتي عندك قلب أم ولا قلب ازاز دي بنتك اللي بټموت جوة ! وسابها وراح ماشي زعلان على حالتي وحالته هو كمان .
Stop
اخويا كمان حب واحده واتعلق بيها پجنون بس أمي من اول ما روحنا وشوفناها وهيا بتحلف الف يمين لو اتجوزها لا هو ابنها ولا تعرفه وهتغضب عليه كمان كل دا عشان البنت سمرا و رفيعه وهيا كانت عايزه واحده بيضاء وجسمها رايق الي حد ما يعني ..
Back
أحمد كان اكتر واحد حاسس باللي انا كنت بمر بيه لأنه داق مرارته قبل مني واتحرم من اللي حبها لأنه خاف يزعل امه وربنا يغضب عليه وعشان كده امي كانت متعمده ما يعرفش حاجه عن موضوع محمد لانها كانت عارفه أنه كان هييجي

في صفي ويوقف قصادهم مكانش ممكن اتكلم مع اخويا الكبير في المواضيع دي لاني بتكسف منه بس ما كنتش عارفه إنهم كانو بيكدبو عليه ومفهمينه اني انا اللي كنت رافضاه وهو كان بيرمي بلاه عليا ويجي يتقدملي مره والتانيه والتالته وفي كل مره يتهزق ويرجع بخيبة أمل .
عدت الايام عليا وكأني كنت مېته بالحيا حاولت اقنع نفسي وارضى بالامر الواقع فعلا انا بقيت على ذمة راجل تاني وماكنش ينفع