ۏجع الفراق
المحتويات
حبيبتى
نظرت للاعلى قليلا حيث وجهه قائله
صافى ايه ياحبيبى
سارى صافى انتى عارفه ومقدرة طبعا .ان نزولى مصر كل فترة جاى بخسارة كبيرة عليا مش على مستوى شغلى اللى فى بلدى بس لان فهد بصراحة شايل ده عنى بس شغلى فى امريكا وباقى البلاد الاوربية واللى محتاج منى اكون حاضر ومتابع .ده غير ولادى اللى محتاجينى خصوصا بعد ۏفاة والدتهم دلوقتى
سارى انا تقريبا مبنامش وانا مضطر اسافر من عندك للولاد .لامريكا وارجع تانى اعيد الكرة .
صافى بهدوء انت عاوز ايه ياسارى بالضبط
سارى عاوزك معايا .هناك فى بيتى ومع ولادى .ابننا يكبر فى بيت ابوه ومع اخواته وارتاح بقى من السفر رايح جاى
تنفس پغضب قائلا يبقى انتى زى عادتك بتعاندى لمجرد العند وده كتير اوووى عليا انا بقولك عندى شغل بملايين سايبه عشان بس اكون معاكى وانتى ولا فارق معاكى
اجابته بعصبية واضح ان انا اللى مش فارقه ولا ابنى اللى ممكن اخسره زى ماخسرت اخوه قبل كده
نهض غاضبا وهو يصيح فيها بطلى بقى .انتى محملتيش قبل كده .فوقى بقى من اوهامك دى .انتى ايه مبتزهقيش
التقط قميصه وغادر الحجرة منصرفا وهو يلعن بصوت منخفض .بينما جلست وهى تلهث بصعوبة ناظرة لبطنها قبل ان تتحسسها بحنان قائله
صافى متخافش ياحبيبى .يستحيل اسمح لاى حد يأذيك ابدا
سافر فى اليوم التالى دون ان يودعها حتى ولو بكلمه .مر على سفره اسبوعان دون ان يتصل حتى بها .اتصلت هى به كثيرا دون ان يجيبها .فبعثت له على الواتس رسائل اشتياق وصور من اشعه الجنين .رآها جميعها الا انه ظل على موقفه رافضا اى كلام بينهم حتى تعود لرشدها كما قال لفهد
بعد منتصف الليل بساعه .كانت قد خلدت للنوم مبكرا بسبب انخفاض ضعطها الملازم لها طوال فترة الحمل .فوجئت بإتصاله على هاتفها .فرحت واجابت بسرعه .جاءها صوته
سارى صافى رعد ابنى عمل حاډثه واتنقل المستشفى
اجابته بلهفه طيب وهو عامل ايه طمنى على حالته الدكاترة قالوا لك ايه
اجابها بهدوء ان شاء الله هيبقى بخير .ادعى له .انا عارفه انك بتحبيه وهو كمان بيحبك وسأل عليكى
اجابته بعد تردد طيب هو يقدر يتكلم يعنى ممكن اكلمه فى التلفون
اجابته بعصبية انت عارف غلاوة رعد عندى .بس أنا مقدرش اجى عندك .صدقنى مينفعش
اجابها بصوت عالى وعصبية حادة متجيش ياصافى .خليكى عندك .واتخلى عن جوزك فى اكتر وقت محتاج لك فيه جنبه .بس صدقينى بعد ما يمر الموقف ده .فى حاجات كتيرة بينا اوووى هتتغير وهتتغير لشكل عمرك ما هتتخيليه .سلام
قالها واغلق الخط فى وجهها .نهضت من مكانها تتمشى فى الغرفه بضيق وهى تفكر مليا فى كلامه .حائرة مابين واجبهاكزوجه مجبرة ان تقف بجوار زوجها فى محنته ومابين خۏفها من فكرة سفرها لنفس المكان الذى فقدت فيه جنينها وكادت ان تفقد فيه حياتها.
...... .......
نفث دخان سيجارته بضيق من غرفه مكتب قصره قبل ان يقول لفهد الجالس خلفه على الاريكه محتسيا قهوته.
سارى انا كنت عارف انها مش هتيجى صافى دماغها زى الحجر
فهد مفكرا بس ياسارى مش ملاحظ ان فى حاجة غريبة اووى فى موضوع صافى واصرارها على قصة حملها وان بنتك ومراتك هما اللى اجهضوا الجنين
.يعنى رغم كل الوقت اللى فات صافى لسه مصرة على قصتها .يعنى لو هى ست غيرانه وعملت كده عشان تفسد علاقتك بهيفاء وبنتك .اظن كانت المفترض تفضل هنا .وتكمل فى لعبتها مش تهرب وتترعب اول ما تجيب لها سيرة العيش هنا معاهم .
سارى پغضب يعنى بنتى مچرمة يافهد وعد اللى انت مربيها على ايدك تصدق فيها ده طب بلاش كل ده .الدكاترة كمان فى المستشفى مشاركين فى المؤامرة دى
فهد والله ما بقيت فاهم حاجة
فجأة انتبه سارى من خلال نافذة المكتب المطله على الحديقه وصول سيارة تاكسى تدخل القصر امامه .لحظات وتوقفت السيارة امام باب القصر لتنزل منه صافى وهى تنظر حولها پخوف
ابتسم وهو يقول لفهد قبل ان يتركه مغادرا لاستقبالها
سارى جات يافهد ..صافى جات
ابتسم فهد لتبدل حال صديقه والذى تغير كليا بمجرد رؤيته لحبيبته .
استقبلها امام القصر بفرح قبل ان يستغرب عدم وجود حقائب معها وهو يحيط خصرها بيده كى تدخل للقصر
دخلت من الباب .توقفت مكانها فى ړعب وهى تتذكر ذلك اليوم وصړاخها من الالم .انتفضت من الخۏف وتمسكت بملابسه ويده فى قوة .نظر اليها مستغربا فرأى حبات
العرق تتكون على جبينها ولون وجنتيها يتحولان للاصفر بعدما اختفى الډم منهما وعيناها تزوغان حتى كاد ان يغشى عليها
حملها مسرعا وصعد بها للاعلى حيث غرفته وفهد من خلفه يقف قلقا قبل ان يسأله
فهد اطلب لها الدكتور يا سارى
سارى لاء ده ضغطها انخفض .خلى حد من الشغالين يطلع لى بسرعه فوق
وصل للغرفه .وضعها برفق فوق سريره وربت برفق على خدها وهو يدلك يدها قائلا بهلع
سارى صافى ..حبيبتى ..صافى ..فوقى ياحبيبتى
فتحت عيناها بړعب قائله سارى متسبنيش عشان خاطرى .خليك هنا جنبى
جاءت الخادمة فإلتفت اليها قائلا بصرامة جهزى فطور سريع بسرعه للهانم واعملى لها فنجان قهوة يرفع لها الضغط ..يلا بسرعه
هبت معتدله مكانها فى ذعر قائله لالا مش هاكل ولا هشرب حاجة
نظر اليها بتمعن قائلا ده عامة ولا عشان انتى هنا فى بيتى وبعدين فين شنطتك
اجابته بقلق انا مجبتش شنطة .لانى حاجزة عودة النهاردة بعد نص الليل .انا جيت اشوف رعد واتطمن عليه وعشان متزعلش منى برضه
وقف غاضبا وهو يقول لا بجد .كتر خيرك .طب تعبتى نفسك ليه كنتى خليكى احسن وبعدين ايه مش هاكل ولا هشرب دى انتى محسسانى اننا هنحط لك سم بالاكل
اجابته بضيق سارى من فضلك ..
سارى بعصبية بلا سارى بلا زفت ..اسمعى .انسى سفرك النهاردة ده ..مفيش سفر ...وكلى الاكل اللى هيجيلك ..انا هنزل تحت ارتب موضوع الغاء تذكرتك ده ...اطلع الاقيكى كلتى كل الاكل وشربتى قهوتك فاهمة
غادر الحجرة فنهضت وراءه باكية لتتعثر واقعه على الارض وهى تبكى پقهر
عاد اليها بعد ساعة فوجدها فى اسوأ حالاتها والطعام والقهوة مكانهم لم تقربهم .نظر اليها فوجدها فى أسوأ حالاتها .وقف امامها وقهى تجلس على السرير فى صمت تنظر اليه بحذر .اقترب منها اكثر قبل ان ينظر للطعام .فجأة أطاحه بيده بقوة على الارض وهو يصيح فيها
سارى خليكى كده متاكليش وموتى اللى فى بطنك عشان اوهامك المړيضة دى
اشاحت بوجهها بعيدا عنه .فامسك بذقنها بقسۏة قائلا
سارى بطلى عند ياصافى .لانك لو رفضتى الاكل النهاردة هتضطرى تاكليه بكره او بعده او بعد شهر ...انتى هتفضلى هنا ومش هترجعى مصر
نظرت اليه بحنق قائله يعنى كدبت عليا لما قولت ان رعد عمل حاډثه عشان تجيبنى هنا وترغمنى انى افضل ڠصب عنى
اجابها بهدوء انا مش مضطر اكدب لا عليكى ولا على اى بنى ادم تانى لانى مبخافش من حد ياصافى وانتى عارفه ده كويس ولو كنت دلعتك اوووى لدرجة انك تفتكرى انك خلاص هتمشى اللى فى دماغك تبقى غلطانه .ولعلمك رعد فعلا عمل حاډثه بس الحمدلله بسيطة شوية رضوض وكسر بسيط فى رجله
اجابته بضيق يعنى انت هتفرض عليا افضل هنا ڠصب عنى
جلس بجوارها قائلا بنفاذ صبر هو مش ده الطبيعى يا بنتى مش المفروض مكانك جنب جوزك وابنك اللى جاى ده مش دى بلده وبلد ابوه واللى هنا دول مش عيلته واخواتهماتردى عليا
اجابته بهدوء اه بلده واهله وناسه فعلا بس ياترى هيحموه ويحبوه ويتقبلوا فكرة وجوده من اساسه ولا هيحاولوا يتخلصوا منه زى ما اتخلصوا من اللى قبله
نهض غاضبا وهو يصيح فيها انتى مچنونة ..محتاجة دكتور نفسى ياصافى وانا صبرى بدأ ينفذ معاكى
قالها ونهض مغادرا قبل ان يلتفت اليها قائلا
سارى انا هبعت لك اكل واقسم بالله لو مكلتيش هجى واكلك ڠصب عنك
ارتطم عند خروجه برعد والذى اتكأ بقدمه المکسورة على عكاز .دخل لصافى فنهضت لترحب به بفرح
جلسا وتسامرا كثيرا بسعادة قبل ان يطلب منها ان تتناول الطعام معه بعدما سمع حوارها مع ابيها قبل ان يدخل ورفضها لتناول الطعام .وافقت على مضض بعد الحاح رعد عليها .
تقلبت فى فراشها كثيرا كى تنام الا انها لم تستطع .سمعت وقع اقدامه
تقترب فتظاهرت بالنوم .دخل الغرفه نظر اليها قبل ان يغير ملابسه .نام بجوارها بعدما وضع يده حول خصرها .مدت يدها تبعد يده الا انه تشبث اكثر قبل ان يقترب منها ليدفن رأسه فى شعرها هامسا لها
سارى ياريتنى أقدر ازعل وابعد عنك واقسى بقلبى عليك يا تاعبة قلبى زى ما بتعملى
استسلمت ليده حولها قبل ان تنام على صوت انفاسه المطمئنة بجوارها.
..................
فى الصباح نهض قبلها واخذ حمامه وغير ملابسه قبل ان يلكزها برفق فى كتفها كى تفيق .فتحت عيناها فبادرها قائلا
سارى صباح الخير .قومى عشان تفطرى عشان جاى لنا ضيوف يسلموا عليكى
فركت عيناها قائله فهد وعيلته .وياربت تتصرفى بعقل اودام الناس وان كان على هيفاء انا هخليها ملهاش دعوة بيكى ابدا
قالها ثم انحنى على بطنها مقبلا اياها قبل ان يرفع عيناه اليها قائلا كأنه يحادث طفلهم
سارى قول لامك تعقل ياأيهم .وقولها بابا ميستحقش منها ده .وياريت تقولها بالمرة انى بحبها وهفضل احبها رغم جنانها ده لاخر يوم فى عمرى
ابتسمت وهى تحتضن وجهه بكفيها قائله
صافى وانا كمان بحبك اوووى ياسارى .بس من فضلك طلب واحد بس .خلى بالك مننا
احتضنها قائلا بحب وهو أنا بعمل غير كده ياحبيبتى ما كل ده عشان اخلى بالى منكم واراعيكم وتبقوا جنبى طول العمر
.........
ارتدت ملابسا كانت قد تركتها يوم سافرت للقاهرة وتزينت بعدما سمعت اصوات سيارات الضيوف .خرجت من غرفتها بحذر تنظر يمينا ويسارا ويدها على بطنها فى وضع الدفاع عن ابنها
كان الضيوف قد بدأوا فى التوافد وهى تنزل السلم .فجأة سمعت صوت هيفاء بجوارها تهمس فى اذنها بابتسامه خبيثه على وجهها
هيفاء انا لو منك اخلى بالى كويس اووى من نفسى ومن اللى فى بطنى
قالتها وهى تتجاوزها نزولا للاسفل .
رحب الجميع بصافى خاصة زوجه فهد وابنائه وهم يسألونها عن الاسم المقترح للطفل .كانت وعد قد انضمت اليهم بعد وقت .سلمت على الجميع وعلى صافى بطرف يدها .بينما استراح
متابعة القراءة
